ԵՐԵՎԱՆ, 19 հուլիսի-Sputnik. ՀՀ մարդու իրավունքների պաշտպան Արման Թաթոյանը մասնավորապես Դավիթ Սանասարյանի, Վաղինակ Շուշանյանի և Անդրանիկ Ասլանյանի գործերով դիմել է Հատուկ քննչական ծառայություն։
«Նրանք զանվածային լրատվամիջոցներին հաղորդումներ են տվել, որ իրենց նկատմամբ կատարվել է բռնություն։ Բոլոր այն հաղորդումներն ու հրապարակումները, որոնք պարունակում են քրեական օրենսգրքով նախատեսված հանցագործության հատկանիշներ, ուղարկվել են հատուկ քննչական ծառայություն»,-ասաց Զոհրապ Եգանյանը։
Նա հիշեցրեց, որ իրենց հիմնական գործառույթը մարդու հիմնարար ազատությունների դեմ որևէ ոտնձգություն բացառելն է, ընդհանուր հասարակական կարգի դեմ ուղղված գործողությունները արձանագրելն ու դրանք կանխելը հայտարարություններով ու զանգերով ։
