ԵՐԵՎԱՆ, 16 հուլիսի- Sputnik. Հայաստանի հավաքականի ավագ և «Մանչեսթր Յունայթեդի» կիսապաշտպան Հենրիխ Մխիթարյանն անցկացրել է առաջին խաղը «կարմիր սատանաների» կազմում «Ուիգանի» դեմ ընկերական խաղում:
Հայ կիսապաշտպանը խաղացել է միայն առաջին խաղակեսում, սակայն հասցրել է գեղեցիկ խաղ ցուցադրել: Խաղն ավարտվել է 2:0 հաշվով՝ հօգուտ «Մանչեսթր Յունայթեդի»: Գոլերի հեղինակներ են դարձել Ուիլ Կինը (51) և Անդրեաս Պերեյրան (60):
Մխիթարյանը տեղափոխվել է «Մանչեսթր Յունայթեդ» Դորտմունդի «Բորուսիայից», որի կազմում հանդես է եկել 2013թ-ից:
Նա անգլիական ակումբի հետ կնքել է քառամյա պայմանագիր՝ մեկ տարի երկարացնելու հնարավորությամբ: Հայ ֆուտբոլիստի տրանսֆերի համար ակումբը վճարել է 42 միլիոն եվրո:
