ԵՐԵՎԱՆ, 16 հուլիսի-Sputnik. Հայաստանը ԱԳՆ- ը կօգնի անհրաժեշտ փաստաթղթեր տրամադրելու հարցում, որպեսզի Հայաստանի քաղաքացիները Թուրքիայից վերադառնան հայրենիք, Sputnik Արմենիա ռադիոյի եթերում ասաց Հայաստանի ԱԳՆ մամուլի քարտուղար Տիգրան Բալայանը:
«Եթե փաստաթղթերի հետ խնդիրներ կան Հայաստան վերադառնալու համար, Թուրքիայում գտնվող քաղաքացիները կարող են դիմել հայկական ԱԳՆ հատուկ բացված թեժ գծով՝ +374 60 620552 հեռախոսահամարով: Մենք կօգնենք անհրաժեշտ փաստաթղթեր ստանալու գործում»,- ասաց Բալայանը:
Նրա խոսքով՝ սկզբնական տվյալների համաձայն հեղաշրջման փորձի հետևանքով տուժած հայեր կամ ՀՀ քաղաքացիներ չկան:
Բալայանը նշեց, որ տեղեկատվությունն այն մասին, թե Հայաստանի քաղաքացիները կարող են անհրաժեշտության դեպքում դիմել այլ երկրների հյուպատոսարաններ կամ դեսպանատներ, չի համապատասխանում իրականությանը:
Ավելի վաղ իր ֆեյսբուքյան էջում Բալայանը գրել էր, որ ողջ տարածաշրջանի համար կարևոր է Թուրքիայում կայունության և ժողովրդավարության հաստատումը:
