ԵՐԵՎԱՆ, 15 հուլիսի-Sputnik. Հայաստանի ԱԳՆ–ն հերքել է այն տեղեկատվությունը, թե Նիսի ահաբեկչությունից ՀՀ երկրորդ քաղաքացին է զոհվել։ Այս մասին գրված է ՀՀ ԱԳՆ մամուլի խոսնակ Տիգրան Բալայանի Twitter-ի կայքում։
@MFAofArmenia Փառք Աստծո…
— Ruzanna_A (@avaruza) 15 июля 2016 г.
Ավելի վաղ ՀՀ ԱԳՆ կայքում հրապարակվել էր տեղեկատվություն Նիսի ահաբեկչության ժամանակ Հայաստանի երկրորդ քաղաքացու զոհվելու մասին։
Հիշեցնենք, որ ավելի վաղ ԱԳՆ-ից հայտնել էին Հայաստանի մեկ քաղաքացու զոհվելու մասին։
Հայաստանի ԱԳՆ-ն դատապարտել է Նիսի ահաբեկչությունը և ցավակցել զոհերի հարազատներին։
Հինգշաբթի երեկոյան մարդիկ հավաքվել էին Նիսի Անգլիական ափին` դիտելու Բաստիլի գրավման օրվան նվիրված հրավառությունը։ Ականատեսների տվյալներով` բեռնատարը մտել է ամբոխի մեջ, վարորդը զիգզագաձև վարելով` անցել է 2 կմ` վրաերթի ենթարկելով մարդկանց, ինչպես նաև կրակ է բացել նրանց ուղղությամբ։ Զոհվել է 80 մարդ, վիրավորվել` 18-ը։ Բեռնատարը ոչնչացվել է ոստիկանության կողմից։ Ֆրանսիայի նախագահը սա ահաբեկչություն է որակել։
