ԵՐԵՎԱՆ, 15 հուլիսի — Sputnik. Հայաստանի ԱԳՆ խստորեն դատապարտում է Նիսում տեղի ունեցած ահաբեկչությունը, այս մասին Twitter-ի իր էջում գրել է ՀՀ ԱԳՆ մամուլի քարտուղար Տիգրան Բալայանը։
«Մենք խստորեն դատապարտում ենք հարձակումը Նիսում, մեր ցավակցությունն ենք հայտնում զոհվածների հարազատներին»,- ասված է Բալայանի գրառման մեջ:
Nous condamnons fermement l'attentat a #Nice, nos condolences aux proches des victims. pic.twitter.com/4C7KFGOrJJ
— Tigran Balayan (@tbalayan) 14 июля 2016 г.
ՀՀ ԱԳՆ–ն դեռևս տեղեկություն չի հրապարակել զոհվածների թվում հայերի առկայության մասին, սակայն ըստ որոշ չճշտված տվյալների` ահաբեկչության զոհերի թվում մեկ հայուհի կա։
Հինգշաբթի երեկոյան մարդիկ հավաքվել էին Նիսի Անգլիական ափին` դիտելու Բաստիլի գրավման օրվան նվիրված հրավառությունը։ Ականատեսների տվյալներով` բեռնատարը մտել է ամբոխի մեջ, վարորդը զիգզագաձև վարելով` անցել է 2 կմ` վրաերթի ենթարկելով մարդկանց, ինչպես նաև կրակ է բացել նրանց ուղղությամբ։ Զոհվել է 80 մարդ, վիրավորվել` 18-ը։ Բեռնատարը ոչնչացվել է ոստիկանության կողմից։ Ֆրանսիայի նախագահը սա ահաբեկչություն է որակել։
