ԵՐԵՎԱՆ, 14 հուլիսի — Sputnik. ՀՀ ոստիկանության բոլոր անձնագրային ծառայությունները ամառային հանգստի թեժ շրջանում կաշխատեն` աշխատանքային օրերին մեկ ժամ ավելի երկար, ինչպես նաև շաբաթ օրը, Ֆեյսբուքի իր էջում հայտնել է ՀՀ ոստիկանության անձնագրային և վիզաների վարչության պետ Մնացական Բիչախչյանը:
Նա նշել է, որ 2016 թվականի հուլիսի 14-ին (հինգշաբթի) և հուլիսի 15-ին (ուրբաթ) ՀՀ ոստիկանության բոլոր անձնագրային ծառայություններն աշխատելու են մինչև ժամը 19-ը՝ 18-ի փոխարեն:
Բացի այդ` անձնագրային ստորաբաժանումները քաղաքացիներին ծառայություններ են մատուցելու նաև հուլիսի 16-ին` շաբաթ` ոչ աշխատանքային օրը, ժամը 9-13-ը:
