ԵՐԵՎԱՆ, 14 հուլիսի — Sputnik. Mini Cooper մակնիշի ավտոմեքենան բանուկ Արշակունյաց պողոտայում վրաերթի է ենթարկել անցորդին, հայտնում է Sputnik Արմենիայի թղթակիցը։
Տուժածի ինքնությունը դեռ պարզված չէ, դեպքի վայրում մարդիկ են հավաքվել։
ՃՏՊ-ից հետո ավտոմեքենայի վարորդը հանել է պետհամարանիշները` ցանկանալով չբացահայտված մնալ։ Վթարի վայրում շտապօգնության մեքենաներ կան, բուժաշխատողներն օգնություն են ցուցաբերում տուժածին։
«Հայրենիք» կինոթատրոնի խաչմերուկում երթևեկությունը դժվարացել է։ Ինչպես հայտնում է Sputnik Արմենիայի թղթակիցը, քաղաքացին ճանապարհն անցնում էր անթույլատրելի վայրում`արհամարհելով ճանապարհային երթևեկության կանոնները։ Դեպքի վայրից ոչ հեռու ստորգետնյա անցում կա, որը նախատեսված է բանուկ ճանապարհն անվտանգ անցնելու համար։ Միջադեպը տեղի է ունեցել ժամը 15:00-ին մոտ։
