ԵՐԵՎԱՆ, 14 հուլիսի-Sputnik. Գոհար Սարգսյան. Վերահսկիչ պալատի ուսումնասիրության արդյունքում հայտնաբերվել է 300 միլիոն դրամի չարաշահում։ Ուսումնասիրություններն ընթացել են Հայաստանի խոշոր հանգստի գոտիների` Ծաղկաձորի, Դիլիջանի, Արտավանի, Աղվերանի, Արզնիի և Հանքավանի հյուրանոցներում։
«Ծաղկաձորում Վերահսկիչ պալատն ուսումնասիրել է 21 հանգստյան տուն և հյուրանոց։ Այնտեղ հայտնաբերվել է 128 միլիոն 681 հազար դրամի խախտում։ Ջերմուկում ուսումնասիրվել է 13 հանգստյան տուն և հյուրանոց, հայտնաբերվել 62 միլիոն 437 հազար դրամի խախտում։ Դիլիջանում էլ` 7 հանգստյան տուն և հյուրանոց` հայտնաբերելով 44 միլիոնի խախտում»,-ասաց Զաքարյանը։
Ըստ Զաքարյանի, այս գործում ներգրավված է եղել 69 տուրիստական գործակալություն։ Ուսումնասիրությունները դեռևս լիարժեք ավարտված չեն։ Դրանք ընթացել են 7 տուրիստական ընկերություններում։ Փաթեթներ տվել են նույնիսկ այնպիսի կազմակեպություններ, որոնք չունեին դրա լիազորությունը։
Ըստ այդմ, Վերահսկիչ պալատի ղեկավարը վարչապետին առաջարկեց լրամշակել սոցիալական փաթեթի` հանգստին վերաբերող դրույթը։
Սոցիալական փաթեթի հանգստի բաղադրիչը նախատեսված է կասեցնել 2017 թվականին` երկու տարի ժամկետով։
