ԵՐԵՎԱՆ, 13 հուլիսի — Sputnik. Ֆրանսիայի ղեկավար Ֆրանսուա Օլանդի վարսավիրը ամսական ստանում է մոտ 10 հազար եվրո. հայտնում է ՌԻԱ Նովոստին` հղում անելով Figaro թերթին։
Թերթը հրապարակել է Ֆրանսիայի նախագահի անձնական վարսավիրի պայմանագիրը, որտեղ ասվում է, որ նա 2012 թվականից ստանում է ամսական 9895 հազար եվրո, ինչը ընդամենը 5 հազար եվրո է պակաս նախագահի աշխատավարձից։
Բացի այդ, նշված գումարին կարող են ավելանալ նաև լրացուցիչ վճարումներ, օրինակ, կեցության կամ այլ «ընտանեկան նպաստներ»։
«Նա նախագահի տրամադրության տակ է շուրջօրյա: Նրան երբեք չեն փոխարինում: Նա անգամ բաց է թողել իր երեխաների ծնունդը, չի իմացել, թե ինչպես են նրանք կոտրել ձեռքը, վիրահատվել…»,- թերթը մեջբերում է նման աշխատավարձի մասին վարսահարդարի փաստաբան Սառա Լևիի մեկնաբանությունը:
Հաղորդվում է, որ վարսահարդարի աշխատանքային օրը սկսվում է շատ վաղ, նա ուղեկցում է նախագահին նաև գործնական ուղևորությունների ժամանակ:
Canard enchaîné թերթը հրապարակել է այս հոդվածը "Elysée Off" գրքում հայտնված տեղեկատվության հիման վրա։ Գրքի հեղինակներն են լրագրողներ Ազիզ Զեմուրին և Ստեֆանի Մարտոն։
