ԵՐԵՎԱՆ, 12 հուլիսի-Sputnik. Ֆուտբոլի Եվրոպայի չեմպիոն Պորտուգալիայի հավաքականի ավագ Կրիշտիանու Ռոնալդուն հայտնվել է տարվա 5 ամենահարուստ հայտնի մարդկանց ցուցակում` ըստ Forbes-ի։
2015-ին Մադրիդի «Ռեալի» հարձակվողը 88 միլիոն դոլարի եկամուտ է ունեցել աշխատավարձից, բոնուսներից ու գովազդային պայմանագրերից: 31-ամյա Ռոնալդուն չորրորդ տեղը բաժանել է ամերիկացի հաղորդավար Ֆիլ Մաքգորի հետ:
Ամենահարուստ հայտնիների ցուցակը գխավորում է երգչուհի Թեյլոր Սվիֆթը, որը 2015-ին հարստացել է 170 միլիոն դոլարով: Նրան հաջորդում են One Direction խմբի երաժիշտները (110 միլիոն) և գրող Ջեյմս Պետերսոնը (95 միլիոն):
Լավագույն տասնյակում տեղ է գտել նաև «Բարսելոնայի» հարձակվող Լիոնել Մեսին, որի եկամուտը կազմել է 81.5 միլիոն դոլար:
Ցուցակում հայտնվել են նաև NBA-ի չեմպիոն «Քլիվլենդի» բասկետբոլիստ Լեբրոն Ջեյմսը (11-րդ տեղ, 77 միլիոն), թենիսիստներ Ռոջեր Ֆեդերերը (16-րդ տեղ, 68 միլիոն) և Նովակ Ջոկովիչը (26-րդ տեղ, 56 միլիոն) և այլ հայտնի մարզիկներ։
