ԵՐԵՎԱՆ, 12 հուլիսի- Sputnik. «Սպիտակ գիշերների աստղերը» միջազգային երաժշտական փառատոնի շրջանակում հուլիսի 12-ին Սանկտ Պետերբուրգի Մարիինյան թատրոնում ելույթ կունենա Հայաստանի ազգային ֆիլհարմոնիկ նվագախումբը, հայտնում են ՀՀ մշակույթի նախարարությունից։
Նվագախումբը` գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ կներկայացնի Արամ Խաչատրյանի Ջութակի կոնցերտը (մենակատար՝ Անուշ Նիկողոսյան) և Հեկտոր Բեռլիոզի «Ֆանտաստիկական սիմֆոնիան»:
«Սպիտակ գիշերների աստղերը» 24-րդ միջազգային երաժշտական փառատոնը մեկնարկել է մայիսի 26-ին և կշարունակվի մինչև հուլիսի 24-ը:
Փառատոնի շրջանակում կկայանա ավելի քան 160 համերգ և ներկայացում համաշխարհային աստղերի մասնակցությամբ, երեք օպերայի և երկու բալետի պրեմիերա, ելույթ կունենա 10 հրավիրված կոլեկտիվ:
