ԵՐԵՎԱՆ, 10 հուլիսի — Sputnik. Կուսակցության նախաձեռնության հեղինակը ԱԺ պատգամավոր Վահան Բաբայանն է, որը ՀՀԿ-ՀՅԴ կոալիցիոն հուշագրի ստորագրումից հետո, երբ ԲՀԿ-ն իշխանության մաս չկազմեց, հայտարարեց, որ լքում է ԲՀԿ-ն և նոր կուսակցություն հիմնում:
Կուսակցության հիմնադիր համագումարի ժամանակ Վահան Բաբայանը նշեց, որ նորաստեղծ կուսակցությունը պետականամետ քաղաքական ուժ է և իր առաջարկներով մասնակցելու է երկրի կայացմանը:
«Մենք ռեալ պատրաստվելու ենք աջակցել ՀՀ նախագահի և կառավարության իրականացրած բարեփոխումներին, ինչպես նաև մենք ինքներս փորձելու ենք 2017թ-ի խոհրդարանական ընտրություններին մեր բարեփոխումների ծրագրով մասնակցել ընտրություններին և փորձել մասնակիցը դառնալ այն բարեփոխումներին, որն այսօրև սկսվել է»,-ասաց նա:
Բաբայանի խոսքով՝ ժողովուրդը հոգնել է ընդդիմադիր ուժերից և այնպիսի կոչերից, որոնք որևէ արդյունք չեն տալիս: Նորաստեղծ կուսակցության անդամները հիմնականում երիտասարդներ են, իսկ կուսակցության կարգախոսն է՝ «Քեզ համար Հայաստան»:
