ԵՐԵՎԱՆ, 9 հուլիսի — Sputnik. ՀՀ արտակարգ իրավիճակների նախարարության մամուլի ծառայությունը հայտնում է, որ դեպքի վայր է մեկնել հրշեջ փրկարարական ջոկատի օպերատիվ խումբը:
Դեռևս չբացահայտված հանգամանքներում, Մ-4 միջպետական ավտոճանապարհի Երևան-Սևան 45-րդ կմ-ում, բախվել են Արմեն Մ.-ի վարած «Հոնդա» մակնիշի և Գևորգ Խ.-ի վարած «Մերսեդես» մակնիշի պետհամարանիշով ավտոմեքենաները, ինչի հետևանքով «Մերսեդես» մակնիշի ավտոմեքենան գլխիվայր շրջվել է:
«Մերսեդեսի» 4 ուղևորներին՝ 24-ամյա Սևակ Ո-ին, 23-ամյա Կորյուն Պ.-ին, 24-ամյա Արսեն Ե.-ին և 27-ամյա Սիրանույշ Հ.-ին մարմնական վնասվածքներով տեղափոխել են Հրազդանի բժշկական կենտրոն:
Փրկարարները հոսանքազրկել են ավտոմեքենաները, փակել գազի բալոնի փականը և ուղղել «Մերսեդես» մակնիշի ավտոմեքենան:
