Դհոլը հայկական հարվածային գործիք է, երկկողմանի թմբուկ։ Գլանաձև սնամեջ շրջանակ է, որի վրա ձգված է կաշվե կամ պլաստիկե թաղանթ։
Դպրոցում սովորում է 6 տարեկանից բարձր շուրջ հիսուն աշակերտ։ Դհոլ նվագելը նրանց առօրյայի մի հրաշալի մասն է դարձել։ Ոմանք ստուդիայի մասին իմացել են բարեկամներից, մյուսներին գրավել է այս զարմանալի նվագարանը։
«Էֆո» դպրոց-ստուդիայի աշակերտներն արդեն երկու անգամ մասնակցել են Վրաստանում անցկացվող մրցույթների։ Այս տարի ևս նրանք հաղթանակով են վերադարձել` գրավելով առաջին տեղն ու արժանանալով գլխավոր մրցանակին։
