Շվիդկոյն ուսումնասիրում էր լուսանկարները, հարցեր տալիս Կոմիտասի կյանքի վիճահարույց էջերի մասին։
«Կոմիտասի երաժշտությունն առաջին անգամ լսել եմ 1965 թվականին Թբիլիսիում, «Մզիուրի» համույթի հիմնադիր Ռաֆայել Ղազարյանի տանը», — Sputnik Արմենիայի թղթակցի հետ զրույցում ասաց Շվիդկոյը։
Նա խոստովանեց, որ հին, մաշված նախապատերազմյան ձայնապնակով լսած Կոմիտասի «Հայր մերն» իր վրա մեծ տպավորություն է գործել, հուզել ու ցավ է պատճառել իրեն։
«Հետո ես մի շարք այլ ստեղծագործություններ էլ լսեցի, բայց այդ մաշված ձայնապնակը մնաց հիշողությանս մեջ», — ասաց Շվիդկոյը։
Ռուսաստանի նախագահի հատուկ ներկայացուցիչն այցի վերջում գրառում թողեց թանգարան-ինստիտուտի հուշամատյանում։
