ԵՐԵՎԱՆ, 6 հուլիսի — Sputnik. Վրացական կողմը տեղեկացրել է, որ լայնածավալ աշխատանքներ են տարվում և արվում է ամեն ինչ ճանապարհը տրանսպորտային բոլոր միջոցների համար առաջիկա 4-5 օրվա ընթացքում բացելու ուղղությամբ։ Այս մասին հայտնում է Տրանսպորտի և կապի նախարարության մամուլի ծառայությունը։
Հանդիպման ժամանակ քննարկվել նաև Եվրոպական տարանցիկ միջանցքի, Մցխեթա-Ստեփանծմինդա-Լարս և Թբիլիսի-Բակուրցիխե-Լագոդեխի ուղղությունների կարևորությունը:
Կողմերը կարևորել են նաև Հայաստանից բեռների փոխադրման Ռուսթավի-Սադախլո և Թբիլիսի-Գեգուտի, ինչպես նաև դեպի Հայաստան Խաշուրի-Ախալցխա-Նինոծմինդա ուղղությունները։
Նշենք, որ Վերին Լարսի անցակետը փակ է արդեն մոտ երկու շաբաթ, քանի որ այդ վայրում տեղի է ունեցել քարաթափում, ինչպես նաև Թերեք գետի մակարդակի բարձրացման հետևանքով առկա է ջրածածկման վտանգ:
Փակ անցակետում կուտակված մեքենաները հնարավորության դեպքում կարող են ճանապարհը շարունակել լաստանավերով` Փոթիի և Բաթումիի նավահանգիստներից:
