ԵՐԵՎԱՆ, 6 հուլիսի — Sputnik. Վալերի Բրյուսովի անվան Երևանի պետական լեզվաբանական համալսարանում Չինագիտության կենտրոն է բացվել։ Ինչպես նշեց ԵՊԼՀ ռեկտոր Գայանե Գասպարյանը, համալսարանում սկսել են չինարեն դասավանդել դեռ 2007թ-ին։
«Ուսանողներից շատերին է հետաքրքրում Չինաստանը, չինական փիլիսոփայությունը, պատմությունն ու մշակույթը»,- ասաց Գասպարյանը։
![Центр китаеведения открылся в Ереване Центр китаеведения открылся в Ереване - Sputnik Արմենիա](https://cdn.am.sputniknews.ru/img/420/98/4209802_0:0:1600:1065_600x0_80_0_0_641df9596e29436a6ccc8d196d7e37f5.jpg)
Տարածաշրջանում Կոնֆուցիոսի առաջին ինստիտուտը բացվել է 2009 թ-ին։ Մոտավորապես կես տարի առաջ էլ չինական Դալյանի համալսարանում հայագիտության առաջին կենտրոնն է բացվել։
«Հասկանալով հայ-չինական հարաբերությունների կարևորությունն ու դրանց զարգացումն ինչպես քաղաքական, այնպես էլ հասարակական և կրթական ոլորտներում`մենք Հայաստանում բացեցինք չինագիտության առաջին կենտրոնը»,- ասաց Գասպարյանը։
Նրա խոսքով` դա համալսարանի ավանդը երկկողմ հարաբերությունների զարգացման գործում։
Կենտրոնը բաց կլինի Հայաստանի բոլոր քաղաքացիների համար, որոնք ցանկանում են ծանոթանալ Չինաստանի փիլիսոփայությանը, մշակույթին և չինարենին։ Բացի այդ, կենտրոնում չինագիտության ոլորտի հետազոտություններ կանցկացնեն։
![Չինագիտության կենտրոնում Չինագիտության կենտրոնում - Sputnik Արմենիա](https://cdn.am.sputniknews.ru/img/421/09/4210941_0:0:1600:1005_600x0_80_0_0_839663c4606f8da886f526d1ae419444.jpg)
![Չինագիտության կենտրոնում Չինագիտության կենտրոնում - Sputnik Արմենիա](https://cdn.am.sputniknews.ru/img/421/08/4210861_0:0:1599:1005_600x0_80_0_0_d8cfb71f7e27d7f1148f912cd3deca39.jpg)
![Չինագիտության կենտրոնում Չինագիտության կենտրոնում - Sputnik Արմենիա](https://cdn.am.sputniknews.ru/img/421/10/4211025_0:0:1600:1005_600x0_80_0_0_b5db27df1ca2aad99599785ec99c03df.jpg)
![Չինագիտության կենտրոնում Չինագիտության կենտրոնում - Sputnik Արմենիա](https://cdn.am.sputniknews.ru/img/421/07/4210782_0:0:1600:1005_600x0_80_0_0_e6f1c3a8a5782e92dcd1d7a79eece444.jpg)
![Չինագիտության կենտրոնում Չինագիտության կենտրոնում - Sputnik Արմենիա](https://cdn.am.sputniknews.ru/img/421/06/4210695_0:0:1600:1005_600x0_80_0_0_286772686d0f1c40be2f9bd9979a3d0e.jpg)
Բացման արարողությանը մասնակցում էր Պետեկամուտների կոմիտեի նախագահ Հովհաննես Հովսեփյանը։
Պատասխանելով Չինաստանի`ԵՏՄ-ին միանալու հավանականության մասին հարցին` Հովսեփյանը նշեց, որ եթե Չինաստանի նման հզոր երկիրը միանա ԵՏՄ երկրներին, ապա դա միայն դրական ազդեցություն կունենա կազմակերպության անդամների համար։
«Չինաստանը մեծ ներուժ ունի, հարուստ երկիր է, կարելի է խոսել միայն օգուտի մասին»,- ասաց Հովսեփյանը։
Կենտրոնի բացումը հնարավոր է դարձել չինացի գործարարների շնորհիվ, որոնք ստացել են կենտրոնի պատվավոր դոկտորի կոչում։