ԵՐԵՎԱՆ, 4 հուլիսի-Sputnik. Թուրքիայի ԱԳՆ ղեկավար Մևլութ Չավուշօղլուն հայտարարել է, որ Անկարան կարող է թույլ տալ Ռուսաստանին օգտագործել «Ինջիրլիկ» ավիաբազան «Իսլամական պետություն» ահաբեկչական խմբավորման դեմ գործողությունների համար, հաղորդում է ՌԻԱ Նովոստին` հղում անելով TRT-ին։
«Մենք կհամագործակցենք բոլորի հետ, ովքեր կհակազդեն ԻՊ-ին։ Մենք ամենասկզբից մղում ենք այդ պայքարը և բացել ենք «Ինջիրլիկ» բազան նրանց համար, ովքեր ցանկանում են ակտիվ մասնակցել այդ պայքարին։ Ինչու՞ մենք չենք կարող նույն կերպ համագործակցել Ռուսաստանի հետ։ ԻՊ-ը բոլորիս համար թշնամին է, նրա դեմ պետք է պայքարել»,- ասել է Չավուշօլղուն։
Նրա խոսքով` դա կարևոր է մեխանիզմը կյանքի կոչելու և անցանկալի միջադեպերը կանխարգելելու համար։ Չավուշօղլուն նշել է, որ այս թեմայի հարցում համակարծիք է ռուս գործընկեր Սերգեյ Լավրովի հետ։
