Երևանյան Վարդավառի պայծառ գույները

Տոնի «Վարդավառ» անունը հոգևոր այրերը բացատրում են Հիսուսին վարդի հետ համեմատելով։ Իսկ տոնի ժողովրդական անվանումը գալիս է վարդաջուր լցնելու սովորությունից։

Այժմ, իհարկե, վարդաջրի փոխարեն մարդիկ միմյանց վրա սովորական ջուր են ցողում, բայց դրանից տոնի ուրախ մթնոլորտը չի փոխվում։ Այս տոնը հատկապես սիրում են երեխաները. չէ՞ որ կարելի է առանց նկատողություն ստանալու թրջվել ու թրջել մյուսներին։ Դա նույնիսկ խրախուսվում է։