ԵՐԵՎԱՆ, 2 հուլիսի — Sputnik. «Երկրաշարժ» ֆիլմի պրոդյուսեր, «Մարս Մեդիա» ընկերության ղեկավար Ռուբեն Դիշդիշյանն իր ֆեսյբուքյան էջում հրապարակել է «Երկրաշարժ» ֆիլմում հնչող երգը։
«Տաղանդավոր երգիչ և կոմպոզիտոր Գոռ Սուջյանի այս հիանալի երգը կհնչի «Երկրաշարժ» ֆիլմի ավարտի ժամանակ»,- գրել է Դիշդիշյանը։
Սոցիալական ցանցի օգտատերերը հավանել են երգը, նույնիսկ առաջարկել են ֆիլմի կադրերով տեսահոլովակ նկարել։
Այդ առաջարկին Դիշդիշյանը դրական է պատասխանել։ «Անպայման կանենք»,- գրել է նա։
«Երկրաշարժ» ֆիլմը պատմում է 1988թ.-ի երկրաշարժի մասին, նախնական տվյալներով` Հայաստանում առաջին անգամ կցուցադրվի նոյեմբերի 17-ին։
Ֆիլմի մոսկովյան պրեմիերան տեղի կունենա դեկտեմբերի 1-ին։
