ԵՐԵՎԱՆ, 30 հունիսի — Sputnik. Վահրամ Միրաքյանը հունիսի 30-ին իր ֆեյսբուքյան էջում Ճանապարհային ոստիկանության ծառայողների մասնակցությամբ միջադեպի տեսագրություն է զետեղել, հայտնում են Ոստիկանությունից:
Վերոնշյալի կապակցությամբ ՀՀ ոստիկանության պետի հանձնարարությամբ նշանակվել է ծառայողական քննություն:
Միջադեպին մասնակից երկու ճանապարհային ոստիկաններն ազատվել են զբաղեցրած պաշտոններից և գրանցվել կադրերի ռեզերվում:
Ծառայողական քննությունը շարունակվում է:
Նշենք, որ Միրաքյանին ոստիկանները կանգնեցրել են Աշտարակ-Ապարան ճանապարհին ու ասել, որ գերազանցել է արագությունը։ Միրաքյանը պահանջել է ցույց տալ նկարահանման կադրերը, որոնք կհաստատեին, որ նա իրոք գերազանցել է արագությունը։ Ոստիկաններն ասել են, որ պետք է սպասել։ Միրաքյանը սկսել է հեռախոսով նկարահանել ոստիկանների ներկայացրած կադրերը, սակայն նրանք բռնի ուժ գործադրելով` խլել են նրա հեռախոսը, հետո պահանջել, որ ջնջի տեսագրածը։
