ԵՐԵՎԱՆ, 30 հունիսի — Sputnik. Հայաստանն ուզում է, որ Հայաստանի համար Լարսը չլինի միակ ճանապարհը։ Որպես այլընտրանք առաջարկվում է, որ մի ճանապարհ էլ անցնի Հարավային Օսեթիայով։ Տրանսպորտի և կապի նախարար Գագիկ Բեգլարյանն ասաց, որ մեծ հաշվով շատ բան կախված չէ Հայաստանից։
«Վրաստանի և Հարավային Օսեթիայի միջև կա քաղաքական խնդիր։ Սա բարդացնում է մեր գործը։ Այնպես որ ծրագրի իրականացման հավանականությունը 50/50 է։ Բանակցություններ են ընթանում, որ ռուսական ու վրացական կողմերը համաձայնության գան»,-ասաց Բեգլարյանը։
Նախարարը հայտնեց, որ եթե օրեր առաջ Թերեք գետի հունը 100 տոկոսով փոխվել էր, ապա համապատասխան աշխատանքների շնորհիվ հունը կիսով չափ վերականգնվել է։ Բեգլարյանի խոսքով` վրացական ու ռուսական կողմերը հայտնել են, որ աշխատանքներն ավարտին կհասցվեն 10-14 օրում։
