ԵՐԵՎԱՆ, 29 հունիսի — Sputnik. Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում քննարկել են ռուս զբոսաշրջիկների` Թուրքիա այցելելու վերաբերյալ սահմանափակումների վերացման հարցը։
«Ռուսաստանի առաջնորդը հայտարարել է, որ կհանձնարարի կառավարությանը բանակցություններ վարել թուրքական համապատասխան գերատեսչությունների հետ առևտրատնտեսական և այլ ոլորտներում փոխշահավետ երկկողմ համագործակցությունը վերականգնելու համար»,- ասվում է հաղորդագրությունում։
Սա վերաբերում է ռուս զբոսաշրջիկների` Թուրքիա այցելելու վերաբերյալ սահմանափակումների վերացմանը։
Հաղորդագրության համաձայն` ցանկալի է, որ թուրքական կառավարությունը լրացուցիչ քայլեր ձեռնարկի` ուղղված Թուրքիայում ռուս քաղաքացիների անվտանգության ապահովմանը։
