ԵՐԵՎԱՆ, 29 հունիսի — Sputnik. WBA, IBF և WBO վարկածներով կիսածանր քաշային կարգում աշխարհի չեմպիոն, 32-ամյա Սերգեյ Կովալյովն ավարտել է մարզումները Հայաստանի լեռներում` Եկատերինբուրգում հուլիսի 11-ին կայանալիք հարավաֆրիկացի բռնցքամարտիկ Իսահակ Չիլեմբոյի հետ մենամարտից առաջ, հայտնում է championat.com-ը` հղում անելով World Boxing News-ին։
«Հայաստանին լավ ծանոթ եմ, իսկ լեռներում մարզվելը նպաստում է դիմացկունությանը, իսկ անմարդաբնակ տեղանքը թույլ տալիս խուսափել ավելորդ ուշադրությունից, որպեսզի կարողանամ ամբողջովին կենտրոնացնել ուժերս և կենտրոնանամ մարզումների վրա», — World Boxing News-ը մեջբերում է Կովալյովի խոսքերը։
Կիսածանր քաշային կարգում հանդես եկող ռուս պրոֆեսիոնալ բռնցքամարտիկը մինչ օրս ռինգում չի պարտվել ոչ մի անգամ։
