ԵՐԵՎԱՆ, 28 հունիսի — Sputnik. Վերին Լարսի անցակետի փակվելու հետևանքով Սոչիում մնացած ավելի քան 60 երեխա լաստանավով տեղափոխվեց Բաթում ։ Այս մասին Sputnik Արմենիային հայտնեց ՀՀ արտաքին գործերի նախարարության մամուլի քարտուղար Տիգրան Բալայանը։
«ՀայԱրտ» համույթի սաները հունիսի 20-26-ը մասնակցում էին «Սոչի. արվեստ. խաղաղություն» միջազգային փառատոնին, սակայն Ռուսաստանից չկարողացան Հայաստան վերադառնալիս` Վերին Լարսի անցակետի փակվելու հետևանքով:
Բալայանի խոսքով` խումբը Հայաստան վերադառնալու հետ կապված դժվարություններ ունեցավ Վերին Լարսի անցակետի փակվելու պատճառով, սակայն հայկական հյուպատոսության և սփյուռքի աջակցությամբ հնարավոր դարձավ ապահովել երեխաների և նրանց ուղեկցող անձանց տեղափոխումը Բաթում։ Արդեն Վրաստանից երեխաները ավտոբուսով կտեղափոխեն Երևան, ենթադրաբար` հունիսի 29-ին:
Ավելի վաղ Հայաստանի ԱԻՆ-ը տեղեկություն էր տարածել, որ ջրհեղեղի և քարաթափության պատճառով ժամանակավորապես փակ կլինի Վերին Լարս անցակետը։
