ԵՐԵՎԱՆ, 28 հունիսի — Sputnik. Վրաստանում բնակվող Ռուսաստանի Դաշնության քաղաքացիները կկարողանան մասնակցել սեպտեմբերին կայանալիք Պետդումայի ընտրություններին` ժամանելով Գյումրի, մամուլի ասուլիսի ժամանակ հայտնեց ՌԴ ԿԸՀ անդամ Վասիլի Լիխաչյովը։
«Վրաստանի տարածքում բնակվող քաղաքացիները հնարավորություն կունենան քվեարկել Հայաստանում` Գյումրիում», — ասաց նա։
Նրա խոսքով` ՌԴ շահերը ներկայացնում է Թբիլիսիում Շվեյցարիայի դեսպանատունը։
«Կցանկանա՞ն նրանք մեր դիմումից հետո գնալ նրան, որպեսզի ստեղծեն ինքնավար պետության ընտրատարածք (սեփական տարածքում քվեարկության անցկացման համար)։ Համոզված չեմ, նման պրակտիկա չկա։ Սակայն Վրաստանի խորհրդարանի ընտրությունների ժամանակ վրացիները քվեարկում էին Մոսկվայում շվեյցարիացիների ստեղծած ընտրատարածքում», — նշեց Լիխաչյովը։
Յոթերորդ Դումայի ընտրությունները կայանալու են սեպտեմբերի 18-ին խառը համակարգով, որը չեղյալ էր հայտարարվել 2007 թվականին և վերականգնվել 2013-ին. 225 պատգամավոր ընտրվելու է կուսակցական ցուցակներով (համամասնական համակարգ) և 225` միամանդատ շրջաններից (մեծամասնական համակարգ)։
