ԵՐԵՎԱՆ, 28 հունիսի — Sputnik. Մոսկվայի քաղաքային դատարանը հաստատեց «Սոբեսեդնիկ» հրատարակչության տնօրեն և գործարար Լևոն Հայրապետյանի դատավճռի օրինականությունը։ Գործարարը չորս տարվա ազատազրկման է դատապարտվել Բաշկիրիայի նախկին նահանգապետ Իգոր Իզմեստևի մորից 700 հազար դոլար շորթելու մեղադրանքով։ Այս մասին հայտնում է ՌԻԱ Նովոստիին։
«Դատավճիռը թողնել անփոփոխ, բողոքարկումը չբավարարել»,- հայտարարեց դատավորը։
Այժմ Լևոն Հայրապետյանի դատավճիռը օրինական ուժ ստացավ։
Մոսկվայի Զամոսկվորեցյան դատարանը Հայրապետյանին չորս տարվա ազատազրկման է դատապարտել և պարտավորեցրել է տուժածի օգտին 20,8 մլն ռուբլի վճարել։
Քննության տվյալով` գործարարը ահաբեկչության և այլ ծանր հանցագործությունների համար ցմահ բանտարկության դատապարտված Իզմեստևի մորը խաբել է` խոստանալով, որ 700 հազար դոլարի դիմաց նրա որդու նկատմամբ ավելի մեղմ դատավճիռ կկիրառվի։
