«Հայաստանի և հայ ժողովրդի համար այդ բարդ շրջանում, երբ հայ ժողովուրդը տեսել էր ցեղասպանության սարսափը, պատերազմի և ավերածությունների արհավիրքը, Ադամյանի և այլ գործիչների շնորհիվ հիմնվել է ֆիլհարմոնիկ նվագախումբը»,- Sputnik Արմենիայի թղթակցի հետ զրույցում ասաց Պետական ֆիլհարմոնիկ նվագախմբի երաժշտական քննադատ Արմեն Բուդաղյանը:
Հեռավոր 1924թ.-ին կառավարության հրավերով Հայաստան է ժամանում հայ կոմպոզիտոր և դիրիժոր Ալեքսանդր Սպենդիարյանը՝ Երևանում համերգ տալու նպատակով: Համերգի անցկացման համար պահանջվել է նվագախումբ, և Սպենդիարյանը դիմել է Երևանի կոնսերվատորիայի ռեկտոր Արշակ Ադամյանին, ով խորհուրդ է տվել հինգ դասախոսի:
Հենց այդ հինգ երաժիշտները և նրանց աշակերտները ստեղծեցին Հայաստանում առաջին սիմֆոնիկ նվագախումբը:
