ԵՐԵՎԱՆ, 27 հունիսի-Sputnik. Հայաստանի Գիտությունների ազգային ակադեմիան հունիսի 27-ին տեղի ունեցած ընդհանուր ժողովում ԳԱԱ նախագահի պաշտոնում վերընտրել է ակադեմիկոս Ռադիկ Մարտիրոսյանին:
Ընդհանուր ժողովին մասնակցել է ԳԱԱ 159 անդամներից 135-ը: Քվեարկած 129 մասնակցից 108-ը կողմ է եղել Մարտիրոսյանի թեկնածությանը, 19-ը՝ դեմ, երկու քվեաթերթիկ անվավեր է ճանաչվել:
Մարտիրոսյանն առաջին անգամ ընտրվել է ԳԱԱ նախագահի պաշտոնում 2006թ.-ի մայիսի 17-ին:
Ակադեմիան ինքնակառավարվող պետական կազմակերպություն է: Աշխատողների ընդհանուր թիվը գերազանցում է 4 հազարը, այդ թվում՝ 53 գործող անդամ, 57 թղթակից անդամ, 330 գիտությունների դոկտոր և 1,100 գիտությունների թեկնածու: Ակադեմիայի կազմում ընդգրկված է չորս պատվավոր ակադեմիկոս, 122 արտասահմանյան անդամ և 52 պատվավոր դոկտոր:
