ԵՐԵՎԱՆ, 27 հունիսի — Sputnik. ԱԳ նախարար Էդվարդ Նալբանդյանի հրավերով հունիսի 29-30-ը Հայաստան կայցելի Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտայնմայերը, հայտնում է ՀՀ ԱԳՆ մամուլի ծառայությունը:
ՀՀ արտաքին գործերի նախարարության լրատվական ծառայությունից հայտնում են, որ Գերմանիայի արտգործնախարարին կընդունի Հայաստանի նախագահը։
Հունիսի 29-ին կկայանան Հայաստանի և Գերմանիայի արտաքին գործերի նախարարների բանակցությունները, որից հետո Էդվարդ Նալբանդյանն ու Ֆրանկ-Վալտեր Շտայնմայերը հանդես կգան համատեղ մամլո ասուլիսով։
Ավելի վաղ հայտնի էր դարձել, որ Շտայնմայերը մտադիր է այցելել տարածաշրջան։
