ԵՐԵՎԱՆ, 27 հունիսի-Sputnik. Լիբանանում տեղի ունեցած ահաբեկչական գործողության զոհերի շարքում հայազգի քաղաքացիներ չկան, հաղորդում է Հայաստանի ԱԳՆ մամուլի քարտուղար Տիգրան Բալայանը:
«Ներկա պահին տուժածների շարքում մեր հայրենակիցներ չկան»,- ասել է Բալայանը:
Լիբանանի հյուսիս-արևելքում երկու մահապարտ ահաբեկիչները մարդկանց բազմության մեջ գործողության մեջ են դրել պայթուցիկ սարքեր: Պայթյունների հետևանքով մահացել է վեց մարդ, ևս 19-ը ստացել են տարբեր աստիճանի մարմնական վնասվածքներ:
Լիբանանում բնակվում է մեծ հայկական համայնք (ավելի քան 100 հազար մարդ), որը համարվում է ամենակազմակերպված համայնքներից մեկը: Հայերը հիմնականում բնակվում են Բեյրութում և նրա շրջակայքում, ինչպես նաև Մեթն և Զահլե շրջաններում:
