ԵՐԵՎԱՆ, 26 հունիսի — Sputnik. Դեպքի վայր են մեկնել երկու մարտական հաշվարկ: Ինչպես հայտնում է ՀՀ ԱԻՆ-ի մամուլի ծառայությունը, պարզվել է, որ բախվել են շտապօգնության «Ford Transit» մակնիշի և «Opel Zafira» մակնիշի ավտոմեքենաները, ինչի հետևանքով շտապօգնության ավտոմեքենան կողաշրջվել է:
Մինչ փրկարարների կանչի վայր հասնելը շտապօգնության ավտոմեքենայի վարորդ՝ 1963 թ. ծնված Ռ. Մ.-ը և հերթապահ բուժքույր՝ 1966 թ. ծնված Լ. Ա.-ը տեղի ուժերով դուրս են բերվել ավտոմեքենայից և տեղափոխվել Վանաձոր քաղաքի բժշկական կենտրոն, որտեղ բժիշկները տուժածների առողջական վիճակը գնահատել են միջին ծանրության:
Փրկարարները ուղղել են շտապօգնության ավտոմեքենան, հոսանքազրկել ավտոմեքենաները և իրականացրել ճանապարհի լվացման աշխատանքներ:
