ԵՐԵՎԱՆ, 25 հունիսի — Sputnik. ՀՀ ոստիկանության Երևան քաղաքի վարչությունում հաղորդում է ստացվել այն մասին, որ Հռոմի պապի այցի կապակցությամբ` խաղաղության աղոթքի և տոնական համերգի միջոցառումների ընթացքում «Հիմնադիր խորհրդարանի» որոշ անդամներ պատրաստվում են Հանրապետության հրապարակում 200-ից ավելի համախոհների մասնակցությամբ հավաք կազմակերպել: Այս մասին հայտնում է ՀՀ ոստիկանության մամուլի ծառայությունը։
ՀՀ քրեական օրենսգրքի 2251 հոդվածի 1-ին մասով նախատեսված արարք կատարելու կասկածանքով ոստիկանության Երևան քաղաքի բաժիններ բերման է ենթարկվել 6 մարդ:
Երևան քաղաքում և մի շարք այլ համայնքներում Հռոմի պապի այցի կապակցությամբ իրականացվում է հասարակական անվտանգության ապահովման արձանագրային արտակարգ ծառայություն:
