ԵՐԵՎԱՆ, 25 հունիսի — Sputnik. «Հենրիխ Մխիթարյանը կտեղափոխվի անգլիական «Մանչեսթեր Յունայթեդ»,- գրում է armsport.am-ը` հղում անելով Bild-ին:
Ըստ աղբյուրի՝ Թոմաս Տուխելի թիմը համակերպվել է Մխիթարյանին կորցնելու փաստի հետ և սկսել է բանակցություններ վարել «Վոլֆսբուրգի» հետ, որպեսզի կարողանա ձեռք բերել 25-ամյա կիսապաշտպան Անդրե Շյուրլեի տրանսֆերը:
Նշվում է նաև, որ Մխիթարյանն Անգլիա կտեղափոխվի հուլիսին:
Մխիթարյանի պայմանագիրը «Բորուսիայի» հետ ուժի մեջ է մինչև 2017 թվականի ամառը։ 2015/16 խաղաշրջանի ժամանակ Մխիթարյանը 31 խաղ է անցկացրել Գերմանիայի առաջնության ժամանակ` դառնալով 11 գոլի և 16 գոլային փոխանցման հեղինակ։ Դորտմունդի «Բորուսիայի» կիսապաշտպան Հենրիխ Մխիթարյանը Deutche Welle պարբերականի վարկածով դարձավ 2015-2016 խաղաշրջանի լավագույն խաղացողը գերմանական Բունդեսլիգայում։
