ԵՐԵՎԱՆ, 25 հունիսի — Sputnik. Միկրոքանդակագործ Էդուարդ Տեր-Ղազարյանի երեք ամիսների աշխատանքը հասավ հասցեատիրոջը. Ֆրանցիսկոս պապի` աշխարհում ամենափոքր՝ 1 միլիմետրանոց դիմանկարը սաթի բեկորի վրա, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը նվիրեց Սրբազան Քահանայապետին:
Կաթողիկոսը Ֆրանցիսկոս պապին ներկայացրեց միկրոքանդակագործ Էդուարդ Տեր-Ղազարյան և միկրոքանդակագործության արվեստը:
Սեփական դիմանկարը տեսնելով խոշորացույցի տակ՝ Հռոմի պապն իրեն հատուկ անմիջականությամբ բարձր ծիծաղեց և շնորհակալություն հայտնեց:
Սուրբ Աթոռի մամուլի գրասենյակի տնօրեն մոնսինյոր Ֆեդերիկո Լոմբարդին լրագրողներին արդեն հասցրել է պատմել այս նվերի մասին:
