Դպրոցը հրետակոծվել է ապրիլի սկզբին Ղարաբաղում ռազմական գործողությունների առաջին օրերին։
«Գրադ»-ի ականն ընկել էր ուղիղ դպրոցի դիմաց, որի հետևանքով զոհվել է մեկ մարդ, վնասվածքներ ստացել երկու երեխա։
Դպրոցի տնօրեն Սլավիկ Արզումանյանն ու փոխտնօրեն Գայանե Մաթևոսյանը պատմում են, որ դպրոցը վերականգնվել է ապրիլի կեսերին, սակայն երեխաները սկսել են հաճախել միայն մայիսի 10-ից` վերապրած սթրեսից դուրս գալուց հետո։
Այդ մեկ ամսում երեխաները սովորում էին ժամանակավոր կացության վայրերում` հաճախելով այլ հանրակրթական հաստատություններ։ Ինչ վերաբերում է վիրավոր երեխաներին, նրանցից մեկն արդեն ապաքինվել է, երկրորդը շուտով ոտքի կկանգնի։ Նրանց ավտոմատ կերպով տեղափոխել են հաջորդ դասարան։
Այժմ դպրոցում քննական շրջան է։ Նաև էքսկուրսիաներ են կազմակերպվում, ինչը շատ կարևոր է երեխաներին սթրեսից հանելու համար։
