ԵՐԵՎԱՆ, 19 հունիսի — Sputnik. Մեսրոպ Մաշտոցի անվան հին ձեռագրերի «Մատենադարան» ինստիտուտում կանցկացվի «Պատմական Տայք. պատմություն, մշակույթ, դավանանք» միջազգային գիտաժողովը, հայտնում են Մատենադարանից։
Գիտաժողովը կանցկացվի հունիսի 22-24-ը, ելույթներով հանդես կգան հայ և օտարերկրացի մասնագետներ Ռուսաստանից, Վրաստանից, Իտալիայից, Ֆրանսիայից, Գերմանիայից, Հունաստանից, Նիդեռլանդներից:
Գիտաժողովը կազմակերպել են Մատենադարանը, ՀՀ Գիտությունների ազգային ակադեմիան և Բյուզանդագիտության հայկական ազգային կոմիտեն։
Տայքը Մեծ Հայքի 14-րդ նահանգն էր, բաժանվում էր 8 գավառի, այժմ գտնվում է Թուրքիայի տարածում։
