ԵՐԵՎԱՆ, 18 հունիսի — Sputnik. Արցախի Հանրապետության նախագահ Բակո Սահակյանը հունիսի 18-ին հանդիպում է ունեցել Բելգիայի խորհրդարանի և Եվրոպայի խորհրդի խորհրդարանական վեհաժողովի (ԵԽԽՎ) անդամ Պիետ դե Բրույնի հետ, հայնտում են ԼՂՀ նախագահի մամուլի ծառայությունից:
Հանդիպմանն արծարծվել են ԵԽԽՎ-Արցախ կապերին, ադրբեջանա-ղարաբաղյան հակամարտությանը և տարածաշրջանային գործընթացներին վերաբերող մի շարք հարցեր:
Նախագահ Սահակյանն արժևորել է նման քննարկումները՝ ընդգծելով, որ եվրոպական տարբեր պետությունների և կառույցների հետ հարաբերությունների զարգացումն Արցախի արտաքին քաղաքականության կարևոր ուղղություններից մեկն է:
Հանդիպմանը ներկա էին ԼՂՀ ԱԺ փոխնախագահ Վահրամ Բալայանը, ՀՅԴ Հայ դատի Եվրոպայի հանձնախմբի ղեկավար Կասպար Կարապետյանը, պաշտոնատար այլ անձինք:
