ԵՐԵՎԱՆ, 18 հունիսի- Sputnik. Գրոսմայստեր Լևոն Արոնյանը մասնակցում է Grand Chess Tour մրցաշարի Լյովենի փուլին, տեղեկացնում է Հայաստանի շախմատի ֆեդերացիայի պաշտոնական կայքը:
Grand Chess Tour մրցաշարի Լյովենի փուլը մեկնարկել է նախօրեին, դրան մասնակցում են նաև Մագնուս Կարլսենը, Վիշվանաթան Անանդը, Ֆաբիանո Կարուանան, Վլադիմիր Կրամնիկը, Մաքսիմ Վաշիե-Լագրավը, Հիկարու Նակամուրան, Անիշ Գիրին, Ուեսլի Սոն և Վեսելին Թոփալովը:
Մրցաշարն անցկացվում է արագ և կայծակնային շախմատի կանոններով:
Հունիսի 17-ին և 18-ին խաղարկվելու են արագ շախմատի պարտիաները, իսկ 19-ին և 20-ին կայծակնային պարտիաները:
