ԵՐԵՎԱՆ, 17 հունիսի — Sputnik. ՀՀ նախագահ Սերժ Սարգսյանը հունիսի 17-ին հրամանագիր է ստորագրել Վաղինակ Սարգսյանին ՀՀ ԶՈՒ գլխավոր շտաբի հետախուզության վարչության պետ նշանակելու մասին։
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 12-րդ կետով և հիմք ընդունելով «Զինվորական ծառայություն անցնելու մասին» Հայաստանի Հանրապետության օրենքի 17-րդ հոդվածի 1-ին մասի 1-ին կետը, որոշում եմ գնդապետ Վաղինակ Սարգսյանին նշանակել Հայաստանի Հանրապետության զինված ուժերի գլխավոր շտաբի հետախուզության վարչության պետ»,- նշված է ՀՀ նախագահի մամուլի ծառայության հրապարակած հաղորդագրության մեջ:
Հիշեցնենք, որ ՀՀ զինված ուժերի գլխավոր շտաբի հետախուզության վարչության նախկին պետ Արշակ Կարապետյանը պաշտոնից ազատվել էր մայիսի 14-ին։
