Նրա ձեռքբերումների և սխրանքների մասին կարելի է խոսել ոչ թե օրեր, այլ ամիսներ շարունակ։ Sputnik Արմենիան ներկայացնում է տաղանդավոր գործչի կարծիքը` մի շարք հարցերի շուրջ, որպեսզի ընթերցողն իր հերոսներին ավելի լավ ճանաչելու հնարավորություն ունենա։
Աֆղանստանի պատերազմի ժամանակ Տեր-Գրիգորյանցն իր հնարամտության շնորհիվ մի ողջ դիվիզիա է փրկել։ Ինչպես հիշում է գեներալ-լեյտենանտը, այդ ժամանակ Աֆղանստանում է գտնվել միջինասիական շրջանի ինժեներային ծառայության պետ Ստեփան Առաքելյանը, որը աֆղանական բանակի խորհրդական է նշանակվել։
Գործողության ընթացքում գեներալ Ախրոմաևն ասել է. «Եթե Տեր-Գրիգորյանցն այդքան խելոք է, թող ինքն էլ փրկի դիվիզիան»։ Մարշալը հրամայել է. «Գեներալ Առաքելյանը դիվիզիայում ղեկավար կլինի աֆղանական կողմից, իսկ Տեր-Գրիգորյանցը կլինի 40-րդ բանակի հրամանատարը։ Փրկեք դիվիզիան»։ Տեր-Առաքելյանցը պետք է գործողության մտահաղացումը պատկերեր քարտեզի վրա։
Գեներալ-լեյտենանտի գլխում փայլուն գաղափար է ծնվել։ Նա որոշել է հրամանները տալ հայերենով, որպեսզի գաղտնալսելու դեպքում ոչ ոք ոչինչ չհասկանա։
