ԵՐԵՎԱՆ, 16 հունիսի — Sputnik. Հռոմի Ֆրանցիսկոս պապն անդրադարձել է Հայաստան կատարելիք իր ուղևորությանը, հայտնում է ANSA գործակալությունը։
«Արևելյան Եկեղեցիների օգնության կազմակերպությունների վերամիավորում» (ROACO) կազմակերպության լսարանի առջև ելույթի ժամանակ նա կոչ է արել աղոթել իր համար։
«Խնդրում եմ ձեզ աղոթել ինձ համար, քանզի ես մի քանի օրից որպես ուխտագնաց մեկնելու եմ արևելյան մի երկիր՝ Հայաստան, որը Պետությունների մեջ առաջինն է ստացել Հիսուսի Ավետարանը»,– ասել է Հռոմի պապը:
Հիշեցնենք, որ Հռոմի Սրբազան Քահանայապետ Ֆրանցիսկոս պապի՝ Հայաստանի Հանրապետություն այցը կմեկնարկի հունիսի 24-ին և կտևի 2 օր։ Այդ ընթացքում պապը կլինի Երևանում, Էջմիածնում և Գյումրիում, կհանդիպի Հայաստանի հոգևորականության, ղեկավարության և հավատացյալ ժողովրդի հետ։
