Գոհար Սարգսյան, Sputnik.
Հորիզոնում վառվեց լուսացույցի 2 դեղին լույսը, հնչեց ազդանշանն ու Երևան-Բաթումի գնացքը պատրաստվեց ամառային եռամսյակի իր առաջին ուղևորությանը։ Մինչ այդ ուղեկցորդուհին` տիկին Անահիտը, մեզ պատմեց, որ այստեղ է աշխատում 1975 թվականից։ Նրա հիշողության մեջ դրոշմվել են ՀԿԿ կենտկոմի առաջին քարտուղարներ Անտոն Քոչինյանի ու Կարեն Դեմիրճյանի հետ հանդիպումները երկաթուղային կայարանում։
Հունիսի 15-ի դրությամբ ընդհանուր առմամբ վաճառվել է «Արմենիա» ֆիրմային գնացքի մոտ 790 տոմս:
Գնացքն աշխատելու է ամեն օր՝ մինչև հոկտեմբերի 1-ը՝ Երևանից մեկնելով ժամը 15:30-ին:
Տոմսերը վաճառվում են Երևանի, Վանաձորի, Գյումրիի և Արմավիրի կայարանների տոմսարկղերում, ինչպես նաև «ՀԿԵ»-ի կայքում:
Երևանից Բաթումի ուղևորության տևողությունը կազմում է 15 ժամ 40 րոպե, իսկ հետադարձ ճանապարհը՝ 15 ժամ 50 րոպե:
Անցած տարվա հետ համեմատ տոմսերն էժանացել են մոտ 20%-ով. այժմ գները տատանվում են 9 850 դրամից մինչև 25 760 դրամի սահմաններում՝ կախված վագոնի կարգից:
