Հունիսի 12-ի գիշերը Օռլանդոյի Pulse գիշերային ակումբում չարագործները կրակ են բացել մարդկանց ուղղությամբ։ Օռլանդոյի քաղաքապետ Բադի Դայերը հայտնել է, որ միջադեպի հետևանքով զոհվել է 50 անձ, 53-ին հիվանդանոց են տեղափոխել։
Քաղաքային ոստիկանության ղեկավար Ջոն Մինայի գնահատականով` զոհվել է շուրջ 30 մարդ։ Ավելի վաղ Մինան հայտնել էր. որ 20 մարդ է զոհվել, 42-ը` վիրավորվել։
Ականատեսները հայտնել են, որ հարձակման պահին ակումբում շուրջ 100 մարդ է եղել։ Ոստիկանությունը կրակ էր բացել չարագործի ուղղությամբ և չեզոքացրել է նրան։
CBS հեռուստաընկերության տեղեկությունների համաձայն` Օռլանդոյի գիշերային ակումբում տեղի ունեցած կրակահերթի հեղինակը ԱՄՆ-ի քաղաքացի Օմար Մաթինն է։
Հարուցվել է քրեական գործ` «ահաբեկչություն» հոդվածով։ CNN հեռուստաալիքի ուղիղ եթերում ԱՄՆ կոնգրեսի անդամ Փիթեր Քինգն ասել է, որ Մաթինն Աֆղանստանից է, և նա հատուկ պատրաստվածություն է անցել զենք օգտագործելու հմտությունները զարգացնելու համար։
