ԵՐԵՎԱՆ, 12 հունիսի — Sputnik. Դա ահաբեկչություն էր, ատելության ակտ, հայտարարել է Օբաման՝ նշելով, որ ՀԴԲ-ն այդ հանցագործությունը հետաքննում է որպես ահաբեկչություն:
Նախագահը խոստովանել է, որ իրավապահ մարմիններին առայժմ ոչինչ հայտնի չէ հանցագործի գործողությունների շարժառիթի մասին:
Օռլանդոյի գեյ-ակումբում հրաձգության հետևանքով 50 մարդ է զոհվել, 53-ը՝ վիրավորվել: Ոստիկանության հետ փոխհրաձգության հետևանքով հարձակում իրականացրած տղամարդը սպանվել է: Ոստիկանությունը նրա անունը չի նշում, սակայն լրատվամիջոցները հաղորդում են, որ խոսքն ԱՄՆ քաղաքացի Օմար Մաթինի մասին է:
