ԵՐԵՎԱՆ, 12 հունիսի — Sputnik. Օռլանդոյում տեղի ունեցածն ուղղված է ԼՀԲՏ-ի դեմ (լեսբուհիներ, համասեռականներ, բիսեքսուալներ, տրանսվիստիտներ), CNN-ին տված հարցազրույցում ասել է Մարկո Ռուբիոն:
«Սա ահաբեկչություն է… Մենք տեսել ենք, թե ինչպես են ծայրահեղական իսլամիստներն այլ երկրներում վարվում լեսբուհիների և գեյերի հետ», — ասել է Ռուբիոն:
Օռլանդոյի գիշերային ակումբներից մեկում հնչած կրակոցներից 50 մարդ է զոհվել, 53-ը՝ վնասվածքներ ստացել, մամուլի ասուլիսի ժամանակ հայտնել է Օռլանդոյի քաղաքապետ Բադի Դայերը:
Ոստիկանները չեզոքացրել են հարձակում իրականացնող անձին:
Ռուբիոն չի պարզաբանել՝ իր ասածը կատարվածի վերաբերյալ հայտնած սեփական գնահատական է, թե իրավապահ մարմիններից ստացած տեղեկություն:
ԱՄՆ-ի Կոնգրեսի անդամ Փիթեր Քինգն էլ հայտարարել է, որ կրակողի ինքնությունը հայտնի է: Նրա անունը Օմար Մաթին է, ծնվել է Աֆղանստանում և զենքի կիրառման հատուկ պատրաստվածություն է անցել:
