ԵՐԵՎԱՆ, 12 հունիսի — Sputnik. Շանհայի «Պուդուն» միջազգային օդանավակայանում տեղի ունեցած պայթյունի հետևանքով տուժած անձանց թիվը հասել է երեքի, հայտնում է ՌԻԱ Նովոստին`հղում անելով Սինհուա գործակալությանը:
Ավելի վաղ հայտնում էին, որ մեկ մարդ է տուժել:
Հայտնի չէ, թե տուժածներն այժմ ինչ վիճակում են: Sohu պորտալը հայտնում է, որ նրանցից երկուսը լուրջ վնասվածքներ են ստացել, մեկը` թեթև: Միջադեպը չի ազդել օդանավակայանի աշխատանքի վրա:
Պայթյուն տեղի է ունեցել Երևանի ժամանակով ժամը 10:42-ին: Ինչպես հայտնում է Սինհուա գործակալությունը, ճշտված տեղեկությունների համաձայն՝ դեպքը տեղի է ունեցել գրանցման կետի մոտ:
