ԵՐԵՎԱՆ, 11 հունիսի — Sputnik. Կանադական Infosoccer և Le Footeur կայքերի հեղինակ Ֆիլիպ Հարմելինգը Twitter-ի իր էջում գրառում է կատարել Դորտմունդի «Բորուսիայի» տրասնֆերների մասին, հաղորդում է eurosport.ru-ն:
Ակումբի գլխավոր տնօրեն Հանս Յոահիմ Վացկեն և մարզիչ Թոմաս Տուխելը հաստատել են, որ Պիեր Էեմերիկ Օբամեյանգը և Հենրիխ Մխիթարյանն այս ամառ չեն հեռանա Դորտմունդից:
Ավելի վաղ տեղեկություն էր տարածվել, որ «Բորուսիան» պատրաստ է կիսապաշտպան Հենրիխ Մխիթարյանին վաճառել «Արսենալին»:
Ռաֆայել Հերեյրոն դարձել է «Բորուսիայի» վեցերորդ նորեկ ֆուտբոլիստը: Պորտուգալացի ֆուտբոլիստը քառամյա պայմանագիր է կնքել Դորտմունդի հետ, իսկ ֆրանսիական ակումբը նրա համար կստանա 11 միլիոն եվրո:
Այսպիսով, «Դորտմունդը» շահել է տրանսֆերներում՝ Գյունդողանին և Հումելսին վաճառելով 63 մլն եվրոյով և գնելով Հերեյրոյին, Դեմբելեին, Բարտրուին, Մորային, Մերինոյին և Ռոդեին 60 միլիոնով:
