Վայոց Ձորի Մարտիրոս, Զառիթափ և Գոմք գյուղերը հարևաններ են: Մարտիրոսը, օրինակ, հարավ-արևելքից սահմանակից է Նախիջևանին:
Այդ գյուղերում անգամ երեխաներն են տիրապետում թշնամու հետ կողք-կողքի ապրելու արվեստին: Չեն վախենում հնչող կրակոցների ձայներից ու ապագայում էլ պատրաստվում են հայրենիքի պաշտպաններ դառնալ: Նրանց համար հայրենասիրության դրսևորումներից է իրենց գյուղերը մաքուր պահելն ու Վայոց Ձորի չքնաղ բնությունը բոլորին ցուցադրելը, հատկապես՝ այնտեղ առաջին անգամ ոտք դրած երևանցիներիս:
