ԵՐԵՎԱՆ, 11 հունիսի — Sputnik. Նախագահ Սերժ Սարգսյանը Ռուսաստանի Դաշնության պետական տոնի՝ Ռուսաստանի օրվա առթիվ այցելել է Հայաստանում ՌԴ դեսպանատուն և շնորհավորել ու բարեմաղթանքներ է հղել դեսպան Իվան Վոլինկինին, դեսպանատան բոլոր աշխատակիցներին, տոնի առթիվ մաղթել բարօրություն և բարգավաճում Ռուսաստանի ամբողջ ժողովրդին:
ՀՀ նախագահի մամուլի ծառայությունը հայտնում է, որ Սերժ Սարգսյանը դիտել է դեսպանության աշխատակիցների կողմից տոնի կապակցությամբ պատրաստված հատուկ մշակութային ծրագիրը:
ՀՀ նախագահը տոնի առթիվ նաև շնորհավորական ուղերձներ է հղել ՌԴ Նախագահ Վլադիմիր Պուտինին և ՌԴ կառավարության նախագահ Դմիտրի Մեդվեդևին:
![ՀՀ նախագահը Ռուսաստանի դեսպանատուն է այցելել ՀՀ նախագահը Ռուսաստանի դեսպանատուն է այցելել - Sputnik Արմենիա](https://cdn.am.sputniknews.ru/img/383/98/3839818_0:0:1000:627_600x0_80_0_0_bc57781aa8a4cc937be11c7f4118a5b5.jpg)
![ՀՀ նախագահը Ռուսաստանի դեսպանատուն է այցելել ՀՀ նախագահը Ռուսաստանի դեսպանատուն է այցելել - Sputnik Արմենիա](https://cdn.am.sputniknews.ru/img/384/12/3841226_0:7:2048:1295_600x0_80_0_0_d2ef7c0096d63736247d679be64c27e6.jpg)
![ՀՀ նախագահը Ռուսաստանի դեսպանատուն է այցելել ՀՀ նախագահը Ռուսաստանի դեսպանատուն է այցելել - Sputnik Արմենիա](https://cdn.am.sputniknews.ru/img/384/11/3841150_0:0:2047:1287_600x0_80_0_0_ed29a157c7b1766f34d478e2045d35a2.jpg)
Ռուսաստանի նախագահին ուղղված շնորհավորական ուղերձում Նախագահ Սերժ Սարգսյանը գոհունակությամբ է արձանագրել, որ երկու ժողովուրդների բարեկամական և եղբայրական հարաբերությունների վրա հիմնված հայ-ռուսական համագործակցության դաշնակցային բնույթը մշտապես արտահայտվում է ինչպես երկկողմ միջպետական մակարդակում, այնպես էլ միջազգային և տարածաշրջանային միավորումների շրջանակներում փոխգործակցությամբ:
«Համոզված եմ, որ համատեղ ջանքերով մենք կարող ենք նպաստել մեր երկրների միջև հարաբերությունների ամբողջ համալիրի հետագա զարգացմանը, ձեռք բերված պայմանավորվածությունների իրականցմանը, որոնք միտված են կայունության և անվտանգության պայմաններում զարգացման ապահովմանը»,-ասված է ՀՀ նախագահի շնորհավորական ուղերձում:
ՌԴ կառավարության նախագահին ուղղված շնորհավորական ուղերձում Հանրապետության Նախագահը նշել է, որ Ռուսաստանի համար տոնական նշանավոր այս օրն անքակտելիորեն կապված է Ռուսաստանի Դաշնության քաղաքացիների բարօրության ու միջազգային ասպարեզում երկրի դերի ամրապնդմանն ուղղված՝ Ռուսաստանի կենսագործունեության բոլոր ոլորտների խորը փոխակերպումների հետ: